Навіны музея
Лагер “Аранжавая восень”
31 кастрычніка выхаванцы аздараўленчага лагера з дзённым знаходжаннем “Аранжавая восень” наведалі школьны гісторыка-этнаграфічны музей “Гісторыя вёскі Морач”. Рабяты ўзгадалі народныя святы і абрады, беларускія прыказкі і прымаўкі, беларускія стравы, расказалі пра тое, як беларускія святы святкуюцца ў іх сем'ях.
Выстава на Кургане Славы
14 жніўня ўстанова адукацыі прыняла ўдзел у выставе на Кургане Славы. Госці змаглі пазнаёміцца з гісторыяй, традыцыямі і культурай нашай мясцовасці. Можна было зрабіць фота ў марачанскім нацыянальным касцюме.
Музейная гульня "Зачараваная вёска"
19 сакавіка ва ўстанове адукацыі ў рамках шостага школьнага дня прайшла музейная гульня "Зачараваная вёска". Пазнанні пра мінулае найбольш глыбока і поўна набываюцца ў музеі. Менавіта там, праз гульню навучэнцы ў працэсе дзейнасці засвойваюць гістарычныя веды.
Мэты пошукавай гульні - ператварыць вывучэнне гісторыі і этнаграфіі Беларусі са звычайнага занятку ў захапляльную гульню, а таксама пашырыць пазнавальны працэс.
Аглядная экскурсія “Мая малая радзіма”
20 кастрычніка ва ўстанове адукацыі ў рамках Тыдня музеяў у народным гісторыка-этнаграфічным музеі “Гісторыя вёскі Морач” для навучэнцаў 1-4 класаў была праведзена аглядная экскурсія “Мая малая радзіма”. Экскурсаводы музея расказалі навучэнцам аб гісторыі ўзнікнення нашай вёскі, школы, калгаса.Рабяты даведаліся пра гісторыю роднай вёскі, пабывалі ў гасцях у “мінулага”. Пасля экскурсіі навучэнцы падзяліліся сваімі ўражаннямі аб музеі. Нельга было не заўважыць інтарэсу ў вачах дзяцей да гістарычнага мінулага нашай вёскі.
Госці школьнага музея “Гісторыя вёскі Морач”
13 студзеня 2022 года наш школьны гісторыка-этнаграфічны музей наведалі настаўнікі і навучэнцы Галынкаўскага і Арэшніцкага ВПК. Для іх загадчыкам музея і навучэнцамі ўстановы адукацыі была праведзена аглядная экскурсія па музеі. Асаблівая ўвага гасцей была звернута да новых экспазіцый. А таксама была адзначана роля музея ў школьным жыцці і прадэманстраваны найбольш цікавыя экспанаты.
Наведвальнікі пакінулі цёплы водгук. Яны адзначылі, што атрымалі падчас экскурсіі шмат карыснай і важнай інфармацыі.
